影片
更多
2019-01-03
650 瀏覽
本身煩緊徐夕去邊度食飯😣大時大節好多餐廳都會貴2-3倍，咁岩有朋友仔話香港仔有間蠔吧味道唔錯價錢又好抵，所以決定山長水遠由尖沙咀入去，好彩有地鐵交通都算方便，係金鐘轉港島綫去度黃竹坑站坐小巴 4M直到行幾分鐘。好遠已經見到大招牌，唔使擔心搵唔到😏舒舒服服坐低睇餐牌，坐位唔會太迫夾餐廳主打$10生蠔，叫1打仲可以升級一隻大生蠔，差唔多枱枱都叫呢個set我地兩個女仔食唔多無叫，叫左$38up 生蠔半打，由淡到濃一隻一隻咁食，雖然有少少凍，但食落好鮮甜唔錯，唔會有種腥感覺，因為之前係其他餐廳試過好驚😫牛扒正常Size味道唔錯，不過黃介辣太嗆，應該係品牌問題，係其他餐廳食過無咁嗆，至於配菜比較弱好有媽媽感覺😂可以考慮用貴少少配菜，始終份牛扒都要$3xx。飲飽食醉出返尖沙咀睇戲倒數，完美的一個晚上🎉
好遠已經見到大招牌，唔使擔心搵唔到😏
舒舒服服坐低睇餐牌，坐位唔會太迫夾
餐廳主打$10生蠔，叫1打仲可以升級一隻大生蠔，差唔多枱枱都叫呢個set
我地兩個女仔食唔多無叫，叫左$38up 生蠔半打，由淡到濃一隻一隻咁食，雖然有少少凍，但食落好鮮甜唔錯，唔會有種腥感覺，因為之前係其他餐廳試過好驚😫
牛扒正常Size味道唔錯，不過黃介辣太嗆，應該係品牌問題，係其他餐廳食過無咁嗆，至於配菜比較弱好有媽媽感覺😂可以考慮用貴少少配菜，始終份牛扒都要$3xx。
飲飽食醉出返尖沙咀睇戲倒數，完美的一個晚上🎉
張貼
