金城餐廳 (已搬遷) 新店位置

今天是佛誕，約了朋友行龍脊山，之後坐9號巴士落筲箕灣，在地鐵站附近的「金城餐廳」食午餐， 聽筲箕灣老街坊朋友講，這間餐廳的海鮮和食物都非常新鮮，全部都是即日新鮮制作。«粟米火腿肉粒飯» 午餐包湯和飲品粟米肉粒飯上到枱非常吸睛，味道偏清淡口味，白汁濃，肉粒稍為偏硬，有點過火，瘦肉和肥肉比例大約為7:3。 最香最正係佢片火腿扒😍， 煎到金黃色，一人份量okay足夠。«羅宋湯» 送湯有點稀身，不過材料足料« 牛腩炒河» $59牛腩幾大舊，肥肉：瘦肉比例為3:7，份量都算多， 上面加咗一層豉油芡汁，幾夠味，如果有更多香料，可以令牛肉更加香口就當然更好。幼河粉好幼，少餐廳可以食到，另外餐廳都幾細心，有多兩條菜心仔，不過煮老左少少。«樽裝青檸薏米水» 加$10樽裝飲品有個好處就係飲唔曬可以拎走，不過比較冇咁環保，餐廳話呢隻薏米水係佢哋自己餐廳煲嘅，行完山最好就是飲薏米水，消下暑。