可樂士多

營業中

休息中

放假，朝早8點獨自帶埋狗🐶仔係屋企出發，行行後花園，柴灣哥連臣角道上石澳郊野公園，砵甸乍山落大浪灣。嚟到大浪灣中途的補給站，緊係坐低食個早餐。大浪灣的可樂士多是我食早餐的不二選擇，不是沒有其他選擇，只是這裏的老闆十分隨和親切，食物質素亦都不錯。雖然只是簡單的雞蛋丁面，但是有用心的煮。丁面軟硬適中，滷水雞翼醃得入味，太陽蛋煎得窿邊，仲搭有好幾塊西生菜，坐喺呢度舒舒服服地食個早餐，享受下寧靜啲環境和清新的空氣，士多行出約30米便是大浪灣沙灘，當日天氣己開始凍，但仍有好多人衝浪呢。再起步上山，上返龍躍徑，落返小西灣海濱公園，行返屋企，全程10公里左右。