堅信號上海生煎皇 (花園街) (已結業)

之前都聽過呢間生煎包店，但係冇諗過特別去試～ 今日行完街搵餐廳食嘢時，原本諗住食隔離嗰間上海野，點知行多幾步見到呢間，就俾佢個生煎包海報吸引咗，入咗去試啦三個人叫左好多嘢食，又上海粗炒，回鍋肉+菜飯，四川擔擔面，厚切豬扒，小籠包同埋當然唔少得俾佢吸引入去試嘅招牌生煎包啦！！我自己覺得樣樣都好好味，尤其是個生煎包的確好好味多汁皮又脆擔擔面都好推介好香花生味同帶少少麻辣味，面又彈牙臨走時見到個招牌，好想試個粢飯，好想買返去做早餐，但係好可惜日頭先有賣...唯有等下次有機會再試啦！仲有特別要提下，覺得舖頭嘅服務員，態度好好，好有禮貌