八雲札幌拉麵

營業中

休息中

今晚落咗樓下食拉麵，喺筲箕灣東大街的八雲，店都開咗一段日子，都多街坊鍾意幫襯，之前嚟到都食佢嘅拉麵。今日就換一換口味叫咗兩個套餐，首先嚟嘅係燒洋蔥豬肉套餐，套餐方面有麵豉湯有少少漬物，同埋蟹子沙律，燒肉上碟份量大，椰菜伴碟夠多，豬肉炒得好惹味，洋蔥又入味，有幾分家庭小店嘅感覺，味道雖然簡單，但係送飯剛剛好。叫一個漢堡扒套餐，配菜同之前一樣，漢堡扒有口感，感覺都好住家菜，好似自家製咁樣，唔似現成買返嚟的漢堡扒，入口好軟有肉汁，另外配上日式味道嘅酸汁，非常之開胃，有陣時食日本嘢就係想食簡單嘅味道，碟底的汁配埋椰菜，加沙律醬及漬物又可以送幾碗飯，簡單的一餐就最好。