麻痺雞 (已結業)

係我住附近其實好多食肆，到處都有好嘢食真係大飽口福，今期又去左食我至愛雞煲品嚐一番，就去左呢間人氣火鍋店開飯識食當然要食呢度人氣必點美食推薦雞煲，而雞煲口味都有幾種選擇食落會冇咁單調，就點左呢款香辣海鮮雞煲，又可以同時食到兩種風味，一放上爐已聞到嗰陣香辣氣味真係急不及待要食番件先得，不過都要煮多一陣吸收一下醬汁咁食會更加惹味，雞肉入口香嫩又入味，食到滿口啖啖辣汁夠晒刺激仲有另一主角海鮮都一樣咁正，有肥美多汁生蠔，爽彈魷魚同鮮甜青口，再食埋其他配菜滋味又滿足食完一輪美味雞煲後接住到火鍋時間，火鍋配料有幾十款可以任點任食，再用番原有湯汁又繼續慢慢品嚐心水火鍋配料除左食到基本火鍋配料外，仲可以加錢點埋其他特色配料，我當然唔執輸點番碟手切安格斯牛肉，肉質細嫩油脂又豐滿入口味道濃郁啱晒我口味食得滋味眨眼又到左尾聲再食番啖烏冬配自家制韭菜餃，咁先至係一個完美火鍋。