逸翠軒點心專門店 (已結業)

長沙灣一帶有唔少雞煲或者打邊爐，見到呢間$168免加一就有得食雞煲加火鍋放題仲有埋點心咁抵食😍，忍唔住要試下。首先上個點心拼盤，入面有燒賣、鮮蝦菜餃同粉果，燒賣味道最驚喜，好香而且肥瘦均勻，下次黎飲茶一定要點😋雞煲（小辣），一黎到已經見到好足料好多雞，仲香噴噴，雞煲入面除左有雞都有唔少配菜，例如係芫茜、芹菜、洋蔥同三色椒等，唔鐘意食芫茜芹菜記得落單前同侍應講走曬佢！雞煲味道唔錯，雞胸食落都唔會好鞋，而且味道幾濃，偏鹹，好適合重口味人士🤤， 值得讚嘅係雞煲入面嘅三色椒又爽又甜，好味👍🏻食完雞煲，加湯打埋邊爐，一開始侍應已經上左一個火鍋配料拼盤，有肥牛、豚肉、蝦、青口、魚同丸類，雖然係放題但質素都唔係差，肥牛夠嫩滑又有肉味，蝦夠曬大隻又彈牙👍🏻，青口食落都好有鮮味。食完個拼盤唔夠飽仲可以係放題紙到落單，我自己就點左牛柏葉，粉絲同芝士腸，牛柏葉好大塊好好食，粉絲用黎吸湯最正，食得好滿足！😋👍🏻👍🏻呢到飲品都係任飲，自己係雪櫃拎就得，最正係有黑珍珠椰汁😍 唔係到到有，要飲多幾杯！