堅離地冰室

營業中

休息中

堅尼地城自從有左地鐵站，開左好多新類型既食肆，呢間冰室都算新開無耐，睇餐牌，有好多選擇，又幾經濟，今晚我地點左：1） 日式蒲燒鰻魚蛋包飯配櫻花蝦好大好肥美的一條鰻魚，蛋包飯好大份，脹卜卜嘅，有適量嘅燒汁，令個飯好夠味！見到係用粒粒珍珠米添，好適合兩個人一齊分享！2） 美國穀飼肉眼扒配黑松露野菌燒汁（轉薯菜）肉眼扒我哋叫五成熟，切開都真係有五成熟，表面係熟透嘅，薯菜有啲BBQ粉，好惹味嘅薯條。牛扒有牛肉味，同埋有個黑松露野菌汁，呢個價錢可以鋸扒，性價比好高！晚餐每人有杯飲品同跟個湯，今晚嘅西湯係足料羅宋湯，係用牛肉熬製的，係一個材料豐富嘅羅宋湯。另外，我地分別點左杯特色紅豆凍奶茶，同一杯熱清新蘆薈百香果茶。紅豆凍奶茶出色，紅豆粒煮得夠粉，奶茶甜度剛好，奶茶夠滑；蘆薈百香果茶唔會酸，有粒粒蘆薈，感覺很養顏。餐廳服務質素很好，服務員很有禮貌殷勤。