富東閣海鮮酒家

營業中

休息中

見到好多評論: 良心店, 抵食. 老實講食物係正常, 火煱放題鲜牛肉最正有牛味, 好食過肥牛(完全唔好叫肥牛), 其他配料一般, 算新鲜, 但鯇魚就例外(有魚鮮味, 外貌都唔新鮮). 平日星期一至四價錢HKD188包加一, 長者小童HKD148, 湯底另計睇下叫乜嘢湯底, 由HKD28至HKD88另加一, 叫咗個蕃茄薯仔湯收HKD28加一, 完全係淺啡色嘅水加各五至六粒蕃茄薯仔, 過分略水. 最需要改善係用餐途中走咗兩隻曱甴出黎, 侍應解釋話曱甴係寄居係個火煱石油氣裏面(咁其實之前已經知道咪要去留意同埋處理, 而唔係用啲勉強嘅理由去掩飾). 大部分服務侍應都非常好, 唯獨一位女士長頭髮穿全黑套裝長褲(唔知係咪管理層), 態度非常需要改善, 佢帶我地入座坐低, 全無告知任何長者優惠, 到我哋聽到隔離檯坐低果時佢嘅同事話有長者優惠, 然後我地就問佢同埋提供我媽媽嘅長者卡, 佢話下次麻煩入座果時同佢地講(果時係坐低左5分鐘, 湯底食物都未黎, 佢張電腦單亦都未黎), 但係我想話你都冇同我地講我又點知有長者優惠, 但係非常欣賞長者優惠offer. 總括有好幾方面要改善, 因為依啲先係我哋去評