冬蔭公公 (已結業)

將軍澳新入左好多樓盤，商場都翻新左幾次。朋友住在將軍澳，岩岩生左小朋友，我作為朋友的乾媽當然要探探乾女，買啲小禮物。朋友樓下有間泰國餐廳，餐牌選擇多價錢中中，吃個午餐先。冬蔭湯底米線。冬蔭湯底輕輕辣味，酸香辛口，帶點微微的椰汁香。米線彈牙有口感，吸湯力高，每口都非常滋味。米線自選配料，有肥牛、龍蝦丸、芫茜等配料，肥牛油香不夠足，入口尚算嫩滑不鞋口，龍蝦丸爽彈，帶點輕輕鮮甜味。我最愛食米線，陣陣清清米香，掛上濃郁冬蔭湯底，最後喝光了。