文樂園 (已結業)

一心想嚟買個打卡一流嘅七色燒賣，被告知已售罄🙈🙈，即刻down曬😭，好彩有個灌湯餃打救我，好欣賞店家嘅外賣處理，用錫紙兜裝好個湯，保證返到屋企都仲熱，又唔容易倒瀉。餡料方面好豐富，目測有花膠、瘦肉、蝦、蟹柳同冬菇。個湯好美味，餓餓地竟然飲曬😂。蝦餃同燒賣就熱辣辣，大粒足料👍。其他點咗炸物，有炸春卷、炸雲吞、鹹水角、香芋酥………完全滿足我今日想食炸野嘅心😂😂。Menu選擇都算多，如果想食點心值得光顧👍。