影片
更多
2022-10-02
718 瀏覽
係天水圍想食粥真係無幾多選擇，一係就連鎖店，一係就只有新北江果間老牌粥店，近期天盛街市見到開左呢間新既，今日自己就黎食個下午茶試下先。小店鋪面唔大得幾張枱，下午時間都算幾多人，差唔多都坐滿，黎到岩岩有2枱客離開先有位坐，坐底望左幾下餐牌，想叫野時見d阿姐都幾忙係咁包外賣同落外賣單，睇黎都幾好生意，我都等佢地鬆動d先叫到佢地落單。及第粥本身想叫艇仔粥，但個人認為食生滾粥類會容易反映到店家既用料，所以揀個及第粥試試，粥底都算ok，幾綿，而家d粥鋪其實十居其9都加左d豆粉開，呢間都唔例外，材料有豬潤，豬心，豬肚，豬粉腸同豬肉丸，豬潤有2塊，2塊唔同口感同味道，1塊比較硬爽d，無乜豬潤本身果種味，1塊就平時食果種口感，鞋鞋地又有豬潤味，因小弟平時唔多食豬潤所以唔評邊隻先係好野先，豬心豬肚各2塊正常，爽口無怪味，豬粉腸都有2條，1條就入面多粉d1條就空心乾淨d，豬肉丸1小粒比較咸，成個粥黎講我覺得普通啦，一般正常。炸兩呢份炸兩算幾高質，腸粉皮好光滑，食落唔會一pat野咁，油炸鬼雖然唔係好脆但都唔韌，食落幾鬆軟，加左甜醬麻醬食味道更加升級，美中不足係店家無芝麻供應，個人比較鍾意落埋芝麻，可惜。整體
小店鋪面唔大得幾張枱，下午時間都算幾多人，差唔多都坐滿，黎到岩岩有2枱客離開先有位坐，坐底望左幾下餐牌，想叫野時見d阿姐都幾忙係咁包外賣同落外賣單，睇黎都幾好生意，我都等佢地鬆動d先叫到佢地落單。
及第粥
本身想叫艇仔粥，但個人認為食生滾粥類會容易反映到店家既用料，所以揀個及第粥試試，粥底都算ok，幾綿，而家d粥鋪其實十居其9都加左d豆粉開，呢間都唔例外，材料有豬潤，豬心，豬肚，豬粉腸同豬肉丸，豬潤有2塊，2塊唔同口感同味道，1塊比較硬爽d，無乜豬潤本身果種味，1塊就平時食果種口感，鞋鞋地又有豬潤味，因小弟平時唔多食豬潤所以唔評邊隻先係好野先，豬心豬肚各2塊正常，爽口無怪味，豬粉腸都有2條，1條就入面多粉d1條就空心乾淨d，豬肉丸1小粒比較咸，成個粥黎講我覺得普通啦，一般正常。
及第粥
$33
59 瀏覽
0 讚好
0 留言
炸兩
呢份炸兩算幾高質，腸粉皮好光滑，食落唔會一pat野咁，油炸鬼雖然唔係好脆但都唔韌，食落幾鬆軟，加左甜醬麻醬食味道更加升級，美中不足係店家無芝麻供應，個人比較鍾意落埋芝麻，可惜。
炸兩
$13
82 瀏覽
0 讚好
0 留言
整體而言呢間粥店都食得過，街坊價錢多個選擇，油器相對做得比較出色係我埋單果已經賣晒了，其間聽到好多人買外賣都買炸兩，另外留意返外賣每個盒收1蚊的。
張貼
