東南亞冰室

營業中

休息中

要照顧家人多左機會食下午茶餐，黎過三次，第一次叫炸雞肶薯條，雞髀真係醃得好食，個皮又脆，但薯條唔得，太油似係返炸，所以冇乜特別感想。第二次叫西多士，有花生醬饀，個人不喜歡但現在間間都係有餡，冇辦法只好接受，賣相ok既。今次蛋牛治，冇加錢烘底，麵軟熟叫走油真係有走油，咸牛肉亦係好食個隻，真係要讚下，好多茶記連基本野都好難食。另外一個加分位係伙記有禮貌，又唔會見你36蚊坐個幾鐘頭收人D野，我覺得唔錯，現在坐位舒服嘅茶記好難搵。