新釗記

營業中

休息中

住附近咁耐都無咩點黎過呢間鋪食野，今朝就過黎試下佢個早餐。入到黎搵左位就點左個早餐A(通粉餐)，食物都黎得快，正正常常，味道一般，但個通粉偏咸，多士都夠脆。但唯一一樣缺點就係衛生問題，當食物黎到時，我正開始用餐，突然聽到前一枱客人話個太陽蛋多士未到，叫伙記睇睇。原來個太陽蛋係要要求先有 ，唔係就會係普通煎蛋。個伙記望下我張枱，發現原來黎左我張枱，就講都唔講聲就直接拎左俾番前一張枱，跟我再俾番普通煎蛋我，過程一句野都無講過。其實我食咩款式蛋都無所謂，我係覺得食物去左客人格係咪就咁樣拎番走，再俾其他客人，雖然碟蛋無篤過食過，但咁樣做真係好有問題。如果餐廳店主見到此文，真係要正視下問題，食物衛生真係好重要。無人想食人地食過篤過的食物。