嫲嫲雲吞雞 (崇齡大廈) (已結業)

中午同成班同事嚟呢度食晏，入座就聞到陣噏味，坐多陣就惡化成酸臭味，我哋投訴之後，嗰侍應都唔係好信咁，自己除埋口罩都唔覺有味，可能係度做耐咗嗅覺有啲失靈。連隔離枱都投訴埋一份，嗰位侍應先作出一啲處理，陣味過咗一陣就無咗啦。之後就落單，跟住好快就上菜。本身以為會告一段落，點知我嗰碟麻婆豆腐就出事喇，差唔多食到底先見到隻蟲(第二張圖中的黑色物體)。同侍應反映返，佢仲話「你都食哂啦」，完全無半點歉意，言下之意係咪仲覺得我想R咩著數？我都懶得同佢嘈，希望寫篇食評令其他人唔好同我一樣中伏。