三河屋 (已結業)

又係一個閒日既晚上，同一個鰻魚控既朋友，山長水遠由元朗走出黎紅磡，就係為左要試下佢地既鰻魚飯。雖然去到已經夜晚9點幾，但店外都仲有唔少人等緊位入去，我地都好似等左幾個字先有位坐。因為實在太肚餓，一坐低已經等唔切要落單，不過可能店員少人客多，都等左一陣先有人幫我地落單。除左基本既鰻魚飯，我地仲點左螢光魷魚仔，同行友人食過幾次三河屋都未試過，所以就更加期待。一落左單，最先送到係麵豉湯，本身以為係我食開清淡野先覺得有啲咸，原來平時重口味開既友人都覺得咸左少少。哩碟就係螢光魷魚仔，畀啲唔知係咪豉油(咸咸地)既液體沉著。我地堅持第一啖一定要原汁原味咁食，膽粗粗咩都唔落就咁擺入口，第一下感覺係，好咸，咬多幾下，竟然食到阿媽黎煲湯個隻魷魚乾既味。之後拿拿臨落翻些少芥末，即刻僻走哂螢光魷魚仔本身既特殊味道。除左本身沉著魷魚仔兜液體係咸之外，咬到佢頭部，仲有啲應該係佢既螢光液體湧出黎，真係咸到要係咁飲水。鰻魚飯，無論係飯定係鰻魚既份量都畀得好多。但被兜螢光魷魚仔影響左胃口，兩個人都食唔哂自己兜飯。