麵館皇

營業中

休息中

朋友之前食過，話要我補下身，拖咗我去食。餐廳細小，用咗木地板舖地，環境ok。不過，傾計會俾人聽到哦，都係唔好講得咁激動。今次叫咗麻辣口水雞加刀削麵藥膳湯底。麻辣口水雞，味道辣，食到有小麻既感覺。雞身油滑，可惜皮太厚，肉少。欣賞呢碟口水雞入面有五條小青瓜，青瓜表層有麻辣味，但冇索晒麻辣汁，外面辣入面保持青瓜既青新味。藥膳湯底，一拎出黎就聞到藥材嘅味道，但見唔到有藥材，湯底甘甜。補唔補到身，就真係唔知啦，哈哈。刀削面厚身，形狀不一，似人手製作，有咬口，麵粉香。