意粉屋 (太古城中心)

營業中

休息中

踏入10月，身邊朋友親戚都好多人係10月份生日🎂，今日就輪到同表姐食生日飯喇！由於表姐要帶住bb,所以都係去近啲食啦！表姐想食pizza同意粉，一諗就諗起太古城意粉屋，印象中幾年前食過一次芝士火鍋咋，即管試下佢pizza啦！我地有3個成人1bb，坐底後就叫左1個2人餐同1個1人餐。餐湯係南瓜蟹肉藜麥湯，好濃厚的南瓜味，亦可以品嘗到一絲絲蟹肉，再加上藜麥增加了湯的口感，唔錯唔錯！好好飲🥰意粉係蕃茄龍蝦帶子天使麵，Pizza係珍寶什錦薄餅🍕🍕，而1人餐主菜係招牌炸雞伴脆薯條，pizza餅底好好食好鬆軟唔係死實實的，而炸雞炸到好脆，雞胸位置仲要係冇骨架，食落去啖啖肉！最後配返杯凍檸茶，成餐飯簡直係完美呀。