Number 9 Coffee

營業中

休息中

做嘢做到三點都未食晏，於是冇諗太多就入咗呢間鋪。三點開始有早餐/下午茶menu 供應，所以叫咗個mini breakfast （$50），個餐本身跟黑咖啡或茶，但我加咗十蚊要Flat White，再加四蚊轉大杯。一見到份餐係用普通方包有少少失望，但係份炒滑蛋真心係好，滑得嚟非常夠熱，慢慢食都唔會凍曬，如果腸仔都再熱啲就正曬。煙肉唔係脆口果類但唔會覺得好油，放係塊包上面食啱啱好，等塊包豐富啲，又冇成啖肉果種罪惡感。雖然鍾意飲咖啡但唔算好識品評，總之係飲落舒服同開心嘅咖啡啦。五十蚊一個餐係尖沙咀有呢個水準都叫做冇咩可以嫌，希望下次幫襯可以試到啲驚喜菜式啦！