大門橫丁 (厚福街)

營業中

休息中

🔸大門橫丁🔸🔆依幾日🦁先生唔係好舒服，我地決定食清小小，見到厚福街有間手打烏冬，一於GOGOGO~🔆蟹肉蕃茄湯手打烏冬 $90蕃茄湯唔錯幾好味，佢有蕃茄的酸甜味， 亦都幾濃厚，可以掛到上烏冬。手打烏冬未到好彈牙，但都滑溜，正常發揮。蟹肉份量都足夠，但雪味有啲重，同埋未有清理好蟹殼。而配菜亦一般，有半隻半熟蛋，鳴門卷同碗豆，但豆莢兩側嘅纖維未有處理好。整體用餐體驗麻麻。😥🔆蕃茄湯叉燒手打烏冬 $82同樣係味道濃厚嘅蕃茄湯，叉燒細細塊，有大概4-5塊。肥瘦不一，有2塊特別特別肥，但都算入味。配菜每碗都一樣，所以出現的問題亦一樣。😥🔆鹽燒野蓮豬腩卷 $40串燒係全餐覺得最好食嘅野。豬腩卷燒得微焦，表面亦有微微的鹽香，食落仲有炭燒嘅味道。一啖咬落去的口感好平衡，豬腩片小小的脂肪，配埋中間包住的野蓮爽脆多汁，好有驚喜。🤩🔆雖然我哋只係試左佢一款串燒，但由於佢嘅烏冬真係比較一般，我哋都一致覺得佢應該係比烏冬耽誤咗嘅串燒店。😂我哋見餐廳寫仲開到凌晨1點，食串燒吹水好似都唔錯🤭，有機會下次再試下！🔆Pleasure指數（滿分5粒🤩）🐭小姐：🤩🤩+0.5🦁先生：🤩🤩🤩📌地址：尖沙咀厚福街9號豪華閣地舖🎐