影片
更多
2022-12-20
47 瀏覽
今日放假日又就黎聖誕節，去開荃灣就同媽媽去搵間小店食😚問左媽媽原來佢未食過越南菜，於是搵左陣資料就決定帶媽媽食呢間位於荃灣既小越廚。.雖然地點唔算方便，地鐵站再行12、13分鐘，但食完今餐就知冇白行一趟！入到鋪頭見到鋪面唔算大 ，應該坐大約20人，但見到老闆都俾好多心機，會有好多越南特色既擺設裝潢🇻🇳.等左一陣店員招呼我地埋位，比左menu我地，仲推介我地食2人餐($188)。2人餐有兩份主食(飯/麵)、小食拼盤(可揀3樣小食)、仲有兩杯野飲，價錢的確好抵。🤩.主食我叫左招牌火車頭湯檬粉，入面有生牛肉、牛筋同牛筋丸。食湯麵我都慣左先飲啖湯，因為湯先係湯麵既靈魂。湯底係牛骨湯，味道好濃郁但唔會覺得好濁，而且有肉既甜味，飲左幾啖已經感受到老闆既心機。🥰配料都好有誠意，份量夠多；生牛肉有四五大塊，肥瘦適中；牛筋丸夠爽彈，牛味都好足夠；不得不讚係牛筋，夠大同厚但一咬就斷，就知道煮得夠腍，做到入口即溶！👍🏻.因為媽媽唔食牛肉，所以叫左蕃茄蟹膏湯檬粉。入而有扎肉、豆卜、蟹膏，同樣份量好多。不得不說佢個湯世界級好飲，夠杰身就知落足料煲；蟹膏極有蟹既鮮甜味，配埋蕃茄酸酸甜甜，連食量細既媽媽都飲哂成碗湯
問左媽媽原來佢未食過越南菜，於是搵左陣資料就決定帶媽媽食呢間位於荃灣既小越廚。
.
雖然地點唔算方便，地鐵站再行12、13分鐘，但食完今餐就知冇白行一趟！
入到鋪頭見到鋪面唔算大 ，應該坐大約20人，但見到老闆都俾好多心機，會有好多越南特色既擺設裝潢🇻🇳
.
等左一陣店員招呼我地埋位，比左menu我地，仲推介我地食2人餐($188)。2人餐有兩份主食(飯/麵)、小食拼盤(可揀3樣小食)、仲有兩杯野飲，價錢的確好抵。🤩
.
主食我叫左招牌火車頭湯檬粉，入面有生牛肉、牛筋同牛筋丸。
食湯麵我都慣左先飲啖湯，因為湯先係湯麵既靈魂。湯底係牛骨湯，味道好濃郁但唔會覺得好濁，而且有肉既甜味，飲左幾啖已經感受到老闆既心機。🥰
配料都好有誠意，份量夠多；生牛肉有四五大塊，肥瘦適中；牛筋丸夠爽彈，牛味都好足夠；不得不讚係牛筋，夠大同厚但一咬就斷，就知道煮得夠腍，做到入口即溶！👍🏻
.
因為媽媽唔食牛肉，所以叫左蕃茄蟹膏湯檬粉。
入而有扎肉、豆卜、蟹膏，同樣份量好多。不得不說佢個湯世界級好飲，夠杰身就知落足料煲；蟹膏極有蟹既鮮甜味，配埋蕃茄酸酸甜甜，連食量細既媽媽都飲哂成碗湯（我都偷飲左好幾啖🤭）。
.
小食拼盤我地揀左蝦餅、魚餅、香茅雞翼。
本身係叫扎肉，店員都好細心同我地講檬粉已經有扎肉，可以試下其他小食，呢點要加分。😆
魚餅正常，配埋泰式辣醬夠惹味；雞翼香茅味夠重，雞皮煎到好脆身；蝦餅又係世一，食得出用鮮蝦打成蝦膠再煎，又係誠意之作～🤤
.
另外我地再加一份小食：炭燒豬肉串($36 4串)，燒得好香，好似食緊台灣豬肉腸，外皮脆豬肉juicy。😋
飲品我就叫左杯泰式奶茶同牛油果奶昔(奶昔加$20)
奶茶奶味夠濃、茶底夠香。😚
牛油果奶昔出面好少見，牛油果夠香但飲落唔會滯。🌱
.
總括黎講，我同媽媽都好享受今個晚餐，老闆煮每樣野都好有誠意，而且價錢親民💵
我媽媽仲叫我下次一定要帶埋另一半黎食🤣
張貼
