金鶴拉麵 (利民大廈)

營業中

休息中

第一印象，大熱天時先上熱茶，真心唔太好，心想：唔好因為杯熱茶就扣分。先講拉麵，湯底唔似足本雞白湯，似加奶或忌廉雞湯嘅方式令湯較濃。麵方面明顯煮過頭，屬傳統茶記常見嘅程度。以拉麵而言，在拉麵店林立的旺角區絕對排在底層，唯有擺盤一項達一流水準外，只能歸類作港式茶記拉麵。唯一有驚喜的係套餐炸雞，能算是平均以上。以呢個水準，其實可以專心做炸雞。以份量及質素，套餐價格在90以內比較合理，不過近百四一碗嘅茶記拉麵，加20轉套餐，埋單至知仲有加一。茶記拉麵收米芝蓮星級價格，唔太可能幫襯第二次。整體來說好難想像呢種低水準可以有咁多好評。