影片
更多
2013-03-25
1630 瀏覽
甜品buffet 宜家轉左少少型, 縮左半個鐘... 又加左價去到$128... book 枱 o個時明明話恆生普通卡都有8 折, 但點知埋單時就話冇 被騙了$26 !!! 但講真d 野食又真係好多都好好味既... 不過咁貴就覺得唔係咁抵囉...今次既甜品自助餐 主題係「意式風情」~熱食: 比以前多左好多款~ 全場最好味既係 莧菜芝士意大利雲吞配香草蘑菇忌廉汁!!! 第1次食意大利雲吞, d 餡料好充足, 入面有好多芝士, 配埋d 香草蘑菇忌廉汁 成粒 1齊食, 真係超爆正正正 呀!!! 焗肉醬千層面都好好味!! 有好多肉醬o係入面~ 意式海鮮薄餅 都唔錯~ 個pizza 底勁薄脆, 上面有蝦肉, 青口肉, 芝士, 彩椒, 黑橄欖, 蕃茄醬等~豬扒配蕃茄汁 初初以為會好硬, 食落原來都好夠腍既, 味道都唔錯~ 另外仲有玉米十穀糯米飯, 意式雜菜(見到有zucchini), 燒賣, 叉燒包等~ 冷盤: 冇食~ 但見到有蕃茄水牛芝士配羅勒香草油, 雜錦凍肉, 沙律等~甜品: 士多啤梨拿破崙 d 酥皮好鬆化, custard 夠"幼"但唔"滑", 同埋唔係好夠甜, 淡左d (可能因為冇左
甜品buffet 宜家轉左少少型, 縮左半個鐘... 又加左價去到$128... book 枱 o個時明明話恆生普通卡都有8 折, 但點知埋單時就話冇 被騙了$26 !!! 但講真d 野食又真係好多都好好味既... 不過咁貴就覺得唔係咁抵囉...
今次既甜品自助餐 主題係「意式風情」~
熱食: 比以前多左好多款~ 全場最好味既係 莧菜芝士意大利雲吞配香草蘑菇忌廉汁!!! 第1次食意大利雲吞, d 餡料好充足, 入面有好多芝士, 配埋d 香草蘑菇忌廉汁 成粒 1齊食, 真係超爆正正正 呀!!! 焗肉醬千層面都好好味!! 有好多肉醬o係入面~ 意式海鮮薄餅 都唔錯~ 個pizza 底勁薄脆, 上面有蝦肉, 青口肉, 芝士, 彩椒, 黑橄欖, 蕃茄醬等~豬扒配蕃茄汁 初初以為會好硬, 食落原來都好夠腍既, 味道都唔錯~ 另外仲有玉米十穀糯米飯, 意式雜菜(見到有zucchini), 燒賣, 叉燒包等~
冷盤: 冇食~ 但見到有蕃茄水牛芝士配羅勒香草油, 雜錦凍肉, 沙律等~甜品: 士多啤梨拿破崙 d 酥皮好鬆化, custard 夠"幼"但唔"滑", 同埋唔係好夠甜, 淡左d (可能因為冇左d strawberry sauce 混雜o係入面) ><.. 整體味道都ok既, 不過冇以前既咁好食... macarons 好好味~ 最好味係raspberry 味, 好香甜^^~~ 其次檸檬味(仲有d 清香 refreshing 既味道~) 同朱古力味都好好, 而綠茶味就覺得冇咁好食.. 雖然佢綠茶味都好重~ 全場最好味既甜品係云呢嗱Panna cotta!!! 上面 d 云呢嗱汁勁好味, 個奶凍又超香甜, 都好夠滑, 成個panna cotta 都勁爆正!!! 朱古力檸檬撻 都好好味, 上面個炭燒蛋白甜甜地, 好味道~ 個撻入面既lemon meringue 1d 都唔酸, 仲甜度o岩o岩好, v. delicious~ 意式焦糖咖啡mousse 上面既白朱古力片印有樂譜好靚~ d 榛子超好味!!! 個mousse d 咖啡味好濃郁, 都好好味~ 不過就食唔出有焦糖味.~ mousse下面原來仲有expresso 味既jelly, 不過個人覺得佢既咖啡味太濃反面唔係咁好食.. 有個雜莓蛋糕卷, 甜甜地, 但冇乜特別好食.~ 而意大利飯布甸就真係唔好食... 布甸入面有d 提子乾, 果脯粒等, 成個食落淋pat pat... 唔知食緊乜咁.. 真係可以話係難食... 成匙野唯一食得落口既就係則邊既芒果肉.. 吉士泡芙 淋左左.. 同埋入面custard 太少.. 意大利鲜果薄餅 上面有杏仁粒(好香脆可口~), 杏仁片, 士多啤梨, 奇異果, 菠蘿, 哈密瓜, custard 等~ 個 pizza 底唔係海鮮pizza 個底, 而係拿破崙既酥皮, 都冇乜問題既, 不過唔知點解d custard 好重油溢味同嘔吐物味... 意大利黑醋士多啤梨w/ Mascarpone Cream d cream 冇乜好食.. 而意大利黑醋第1次食, 甜甜地, 都幾好味~ 有 意大利檸檬酒煮薄餅(crepe), 想食o個時個staff 唔知去左邊, 所以最後冇食到... 另外仲有 意大利番茄 mousse cake, Tiramisu (1開始見到有幾杯但之後好快冇左又冇refill), 酒浸櫻桃, 啫喱杯, mousse cake~
其他: 水果有西瓜, 菠蘿, 哈密瓜, 蜜瓜等~ 飲品自己叫~整體而言, 呢個甜品buffet d 野食款式同質素都唔錯, 味道又好多都好好味既~ 服務都好快~ 不過就係我book 枱時已經問清楚& 再confirm 佢係咪連恆生普通卡都有8折, 佢都話係, 但點知埋單時就話白金卡先有折, 搞到最尾我要比預期俾多$26 去到 $140 !!! 以$140 (just 2 hrs!!!)食甜品buffet 對於我黎講係貴左d 囉.. 又唔係燕窩... 如果唔係個價錢問題, 我都會俾好評同埋 1定會再黎嫁!! 不過宜家唔得了...
張貼
