魚米 (Wetland Seasons Park)

營業中

休息中

岩岩係wetland park開果陣有叫過一次外賣，差唔多上年既事，果次啲魚湯極好飲，仲好味過細個十幾年前魚米岩岩做起果陣，我飲晒成碗魚湯都唔會覺得太咸想飲水。今次同朋友去食，飲品選擇算多，魚仲係炸得好食既，下午茶份量同一般時間一樣咁多，大食人士一定夠飽，阿姐成日顧住傾計睇唔到你入門同揮手不過語氣唔算差，呢個茶餐廳價錢唔會要求啲乜，但個魚湯水平差得太多搞到我要寫評投訴下，淡而無味，好似飲水咁，問佢拎樽辣椒油加下味，個辣椒油都好唔掂，可能已經擺左好耐，唔香又唔辣，得開始倒果下先有啲辣味。好彩朋友叫左碗好野，本身我我有奇怪黎魚米食麻辣/酸辣會唔會好唔掂，結果佢又整得幾好食喎，起碼好過一半以上係天水圍既酸辣店，魚米既酸同辣都好夠，又唔會太辣或者太酸搞到食唔落，最後我係倒左好多朋友既酸辣湯先食得晒自己果碗，我朋友都飲左好多酸辣湯，好少見佢食麵會飲湯，可見真係唔錯。雖然兩碗湯差距咁大應該俾個OK評，但因為我主力係要投訴個魚湯質素跌得太勁所以會俾差評，如果咁岩經過又想食酸辣呢間大家可以考慮下。