The Old Book Store by The So Lonely Club

營業中

休息中

銅鑼灣咁多野食都比較少黎依邊，今次試依間裝修幾有格調，野食質素都高，而且價錢仲算係幾親民試左個明太子蟹肉野菌意大利麵($138)，明太子嘅鹹香味香濃，入口仲幾滑，意粉口感外軟中間又唔會太熟，蟹子、蟹肉同野菌都好足料另外試左照燒鰻魚汁帶子日本扇貝飯($158)，甜甜地嘅鰻魚汁又同帶子幾夾！個飯吸哂個汁嘅精華入口軟腍又濃郁，份量仲幾多！野飲試左士多啤梨玄米奶昔（$58），好特別，酸酸甜甜再帶淡淡玄米獨特嘅茶香，味道好均勻另外就試左熱帶水果茶（ $48 ），成壺上好正，味道係淡淡嘅熱情果味，飲落好舒服整體黎講依間質素幾好，食物飲品款式都多！