影片
更多
2016-03-20
466 瀏覽
相信身為上班一族既香港人都無幾多個未食過譚仔，味道，份量間間分店都差唔多，但始終係一間類似茶餐廳既米線舖，三四十蚊一碗粉唔可以要求裝修服務不過永年大廈既譚仔值得一推大部分都係4人枱，而且一半以上係卡位，就算其他都係有背凳，只有幾張大枱係冇背木凳，坐得舒服。枱與枱之間闊落，走廊位闊到可以擺多張4人枱，就算晏晝好多粉麵出出入入都唔會有險象環生既畫面，裝修有別於其他譚仔，白色為主，木色枱凳，望落去好舒服，而且環境感覺好乾淨，加埋廚房係開放既，出名乾淨整齊既譚仔廚房一目了然櫃面大概有6個服務員，基本上一舉手就有人過黎，而且落單都係用手機，覆單之餘仲會有笑容，見到有兩三枱客仲同待應姐姐傾下計，氣氛和諧，其實而家香港餐廳真係好少見客人侍應有互動啦落單之後大概5分鐘就黎齊熱奶茶同米線熱奶茶，溫度適中，用厚身耳仔杯，份量足夠，不過茶味偏淡，比一般茶餐廳用唔同茶葉冲既奶茶相差遠墨魚丸 豬潤 米線 4小辣（麻辣）上枱時碗米線熱辣辣，米線份量幾多，而且有少少淋身，煮得剛好。墨魚丸有4粒，咬落去爽口，丸入面有墨魚肉，少少韌身，兩種口感令墨魚丸成為我去譚仔必叫既餸。豬潤既份量幾多，爽口，如果鐘意食惗身既朋友要浸
不過永年大廈既譚仔值得一推
大部分都係4人枱，而且一半以上係卡位，就算其他都係有背凳，只有幾張大枱係冇背木凳，坐得舒服。枱與枱之間闊落，走廊位闊到可以擺多張4人枱，就算晏晝好多粉麵出出入入都唔會有險象環生既畫面，裝修有別於其他譚仔，白色為主，木色枱凳，望落去好舒服，而且環境感覺好乾淨，加埋廚房係開放既，出名乾淨整齊既譚仔廚房一目了然櫃面大概有6個服務員，基本上一舉手就有人過黎，而且落單都係用手機，覆單之餘仲會有笑容，見到有兩三枱客仲同待應姐姐傾下計，氣氛和諧，其實而家香港餐廳真係好少見客人侍應有互動啦
落單之後大概5分鐘就黎齊熱奶茶同米線
熱奶茶（食米線加7蚊）
45 瀏覽
0 讚好
0 留言
墨魚丸 豬潤 米線 （4小辣，麻辣）
$36
30 瀏覽
0 讚好
0 留言
上枱時碗米線熱辣辣，米線份量幾多，而且有少少淋身，煮得剛好。墨魚丸有4粒，咬落去爽口，丸入面有墨魚肉，少少韌身，兩種口感令墨魚丸成為我去譚仔必叫既餸。豬潤既份量幾多，爽口，如果鐘意食惗身既朋友要浸耐少少先食，好香好鮮，每塊都幾大塊，唔會痴埋一舊，唔錯
芽菜同九菜既分量好夠，成碗淋身既米線配呢兩種既菜食落去變得爽口又唔會搶左啲餸既味，果然係米線必落既配菜
至於麻辣味好香，有少少麻，4小辣係因為辣味夠但唔會啃口，過一陣啲辣味就會消失，呢樣真係好佩服譚仔，基本上去邊間分店既4小辣都係同一種辣度，只要你搵到認為啱既辣度，以後就可以叫返個種，好少失手
雖然食過無數次既譚仔，但呢間譚仔係我最鐘意既一間分店，有時放假出尖沙咀都會專登黎呢間食，坐得舒服之餘又食到好味既米線，讚
張貼
