Vie Won Won (已結業)

今日想有一個good morning，於是早早起身梳洗，去呢間裝修充滿西方風格嘅餐廳食個靚早餐，一入到去就俾佢啲油畫同古典設計嘅傢俱所吸引，第一時間拎起相機影低佢～環境就真係幾靚，而食物嘅味道配搭就有啲創新，好唔好食就好見人見智～✎ 焙茶麻糬貝果如果淨係食bagel嘅表皮就會試到淡淡焙茶味，但係因為佢入面有粒麻糬， 兩樣一齊食嘅話，麻糬嘅甜味就會蓋過bagel嘅焙茶味，要兩隻味都試到就真係分開食～另外，bagel可以沾cream食，cream有兩隻味揀，蜂蜜炸蒜同洋蔥忌廉，我揀咗蜂蜜炸蒜，但係味道鹹鹹哋，都冇乜蜂蜜味，連埋bagel食，又鹹又甜，個人覺得個味有啲奇怪。。✎ 迷幻蘑菇食落真係幾「迷幻」吓，事關個味道唔係人人都接受到！上面粉紅色個菇頭表面冰凍，食落甜甜哋但係同時都食到辣味！！！入面仲有啲酸酸哋嘅紅莓醬，真係甜酸辣都試齊，差個苦味。表面滑，放入口口感似食緊雪葩，味道方面個人覺得似藥水味。。。食咗幾啖已經食唔到落去。。。下面菇身食落都係似雪葩口感，而味道就似芒果奶凍味，呢部份就比較易入口。呢碟真係食到我一言難盡。。。✎ 丸久小山圓玄米柚子梳打 梳打味比較濃，似齋飲梳打水，只有淡