阿糊米線 (已結業)

Kawai 於幾個月前的某一個周六,在北角上完書法堂,就去附近搵野食!!我的確是很喜歡食米線,近乎一日一碗,雖然家母/同事見到都會話"米線唔正氣!食米粉好d 喎!"但都係故我,真係吹脹!哈哈哈!! XD放學後,沿著電器道走,不消一會已決定食阿糊米線~當時是星期六下午茶時段,所以人不多只有兩三台客人!叫左個金湯底的米線,正確名稱已經唔記得了,入面配料有d 豆卜同半隻滷水蛋, 幾條芽菜!整體來說呢碗野,我會評為唔合格....只有湯底係合格而已~~滷水蛋只有蛋味及少少啡色,一d都唔覺係滷水過~豆卜會吸湯,只要湯底ok就一定ok,米線叫做少淋,不是過份淋,還可接受.但份量堅少 XD另外,我有加錢要了小食同飲品,先講小食豬扒,唔講以為食緊樹皮.....炸到又硬又乾!飲品揀了豆漿,用飲料店的密封包裝,我竟然飲到膠味......回到家上網,才知道這間店原來開了很多年,最近剛翻新過,而舊舖食評是好壞參半,我自己覺得呢個質數真是非常唔掂,下次再行開呢頭又想食米線的話,這間應該不會再入考慮之列內~~