影片
更多
2019-11-03
712 瀏覽
跑步完，想食午餐，响海旁幾間新餐廳，最後揀左呢間日式餐廳，見到外面裝修同餐牌，覺得好似好正宗咁。入去坐低，入到裏面覺得裝修得好有日本feel，好似去咗日本咁，二，三個人去仲有房坐添，但留意到門口近魚缸位置放左地拖雜物，呢度扣左分。坐低叫左個天婦羅烏冬中午套餐。加埋一共$103-之後留意到客人吾多，但係套餐啲伴茶，居然已經預先放咗係厨房個吧枱無雪住，吾係預先放幾碟，係八盆已經set 好的，但仲有好多盆沙律，海浙，醃姜同豬脷，共二三十碟，仲要無用任何保鮮紙包住，呢度吾係快餐，又唔係多客，感覺好吾衛生，呢樣嘢就真係扣分。佢係先上個盆連伴菜，飲品比你食同飲住先，厨房整好熱食，先再攞埋出嚟比你食嘅。其實可以等埋一齊出成盆攞出嚟會更加好。伴菜就一般正常味道，吾太出色，亦吾太差。烏冬吾彈牙，粉粉地，湯底清清地，味道可以。炸天婦羅有三隻蝦🍤，蕃薯，南瓜，冬菇，茄子各一件。我食左南瓜，蕃薯冬菇嗰啲先，個脆漿薄得嚟又脆，仲新鮮熱辣，好好味。但係個天婦羅蝦🍤，居然有用梳打粉醃左，我食到嗰陣苦同乸喉嘅味，呢度真係敗筆！總括嚟講，一間裝修咁揼本嘅餐廳，環境我比八十五上，女待應招呼有點冷莫，反而走嗰陣响厨房巴枱入
入去坐低，入到裏面覺得裝修得好有日本feel，好似去咗日本咁，二，三個人去仲有房坐添，但留意到門口近魚缸位置放左地拖雜物，呢度扣左分。
坐低叫左個天婦羅烏冬中午套餐。加埋一共$103-
之後留意到客人吾多，但係套餐啲伴茶，居然已經預先放咗係厨房個吧枱無雪住，吾係預先放幾碟，係八盆已經set 好的，但仲有好多盆沙律，海浙，醃姜同豬脷，共二三十碟，仲要無用任何保鮮紙包住，呢度吾係快餐，又唔係多客，感覺好吾衛生，呢樣嘢就真係扣分。
佢係先上個盆連伴菜，飲品比你食同飲住先，厨房整好熱食，先再攞埋出嚟比你食嘅。其實可以等埋一齊出成盆攞出嚟會更加好。
伴菜就一般正常味道，吾太出色，亦吾太差。
烏冬吾彈牙，粉粉地，湯底清清地，味道可以。
炸天婦羅有三隻蝦🍤，蕃薯，南瓜，冬菇，茄子各一件。
我食左南瓜，蕃薯冬菇嗰啲先，個脆漿薄得嚟又脆，仲新鮮熱辣，好好味。
但係個天婦羅蝦🍤，居然有用梳打粉醃左，我食到嗰陣苦同乸喉嘅味，呢度真係敗筆！
總括嚟講，一間裝修咁揼本嘅餐廳，環境我比八十五上，女待應招呼有點冷莫，反而走嗰陣响厨房巴枱入面位厨師（好似係）就好熱情咁講多謝下次再光臨，呢度我加返分。
衛生管理平平，食物水準如果吾係隻蝦有梳打粉，我都比八十分。
希望管理人睇到可以改善，因為海濱呢邊得一間日式餐廳，我都想多個選擇。
張貼
