京都一の傳

去海港城shopping完當然要食好西，想食日本野就去左裝修得好靚又成日好多人排隊既人氣日本菜居酒屋 — 京都一の傳，試下係咪甘好食！舖頭有分內場同外場，內場既枱排得比較密，但就完全置身係🇯🇵日本風裝潢，好岩打卡，外場就係全部卡位，通風但就好近排隊既人，感覺好似比人望住食嘢甘。今日午餐時段都幾多人，排到我既時候就淨返外場，當然照入！黎藏味噌漬西京燒專門店當然要叫返個 藏味噌漬銀鰤鯧定食 （$178），銀鰤鯧係號稱同味噌味道最搭配嘅魚類，咬落口感紮實又嫩滑，因為係用甜味噌整，入口甜甜地，好岩送飯，呢到既飯係用日本產越光米🍚，粒粒都好香軟。另外再叫左個 特上雜錦天婦羅丼定食（$228），熱辣辣又脆香既天婦羅有好多種類，除咗大大條既穴子，仲有蝦、蔬菜同半熟蛋，個人最鍾意穴子啖啖肉，加埋天婦羅汁撈埋食，大滿足！定食仲包含水耕菜沙律、合桃豆腐、胡麻秋葵、味噌湯、茶碗蒸、漬物、碗物同季節甜品，食埋個甜品係完美既ending！