Ufufu Cafe (已結業)

今日與好友食完正餐，就去食一食甜品。因為朋友介紹而來到呢一間日本餐廳，聽聞芭菲係呢間店特別有名，所以從過百款芭菲當中，選出左幾款。當中有士多啤梨菠蘿酸奶芭菲，朱古力x雲尼拿雪糕配OREO雪糕芭菲，等等。每一杯芭菲都有一片鮮橙，值得讚嘅係，鮮橙嘅皮已經有一半係分離嘅，所以食落唔會好狼狽而水果同酸奶、雪糕比例均勻，互相之間好配合。我同時亦叫左法式西多士，岀奇地，與平時食開嘅西多士不一樣。外皮與平時食嘅麵包一樣，較難咬開，但係我覺得可以接受。最具特色嘅係，西多士可以同雪糕、cream一齊食。但係店員就無主動教點食嘅，要食客自己領悟喇我就習慣先食西多士，再加一匙雪糕，然後一匙cream。三者味道之間形成重味混合物，簡直一絕。 呢間餐廳裝潢唔錯，有氣氛，食客坐嘅位置鬆動、唔會迫。而有waiter係日本人，所以我地要用英文叫餐。唯一不太好嘅係，餐廳要食客每人都至少要order一份食物咁樣有一種強迫嘅感覺，好似無左少少自由咁。