影片
更多
2023-09-04
3449 瀏覽
有日行過路過，見到間食店排長龍。細望之下係一間主打西式韓食料理 - PIZZA MARU，心諗搵日要試吓先。平日放工時間，一定有人龍，假期就唔駛諗啦！😅所以今日揀咗平日嘅lunch time 嚟。營業開始時間為中午12點，我哋就踩點到場。平日中午唔駛排隊（當日所見），但都坐滿8成。😅 店內裝修簡約，坐位舒適。店員普遍講英文，但仍有一兩位可以講中文嘅員工。PIZZA MARU 主打當然係Pizza 🍕 啦！其次就係炸雞（絕對推介！）。今日點咗2個lunch set 再散叫炸雞， 務求要試多幾款。蒜蓉青醬大蝦意粉 (Lunch set) 大蝦三大隻，口感爽口彈牙。青醬忌廉汁非常creamy，味道濃郁，意粉條條都掛汁，淡淡滿足。泡菜烤牛肉薄餅（8吋 - Lunch set) 看似一般，但入口先知厲害。餡料（泡菜＋烤牛肉） 甜甜鹹鹹有微微辣，口味豐富。餅底鬆脆，厚度介乎必X客厚批同薄批之間。厲害之處在於入口每啖芝士都拉絲，真係第一次食Pizza 食到咁多芝士。芝士狂迷必點。炸魷魚圈入口「卡勒」一聲，脆到無敵，脆漿好薄身，火候控制啱啱好，魷魚仲保持到鮮嫰彈牙。炸迷你八爪魚同魷魚圈個脆漿一樣，一
PIZZA MARU 主打當然係Pizza 🍕 啦！其次就係炸雞（絕對推介！）。今日點咗2個lunch set 再散叫炸雞， 務求要試多幾款。
蒜蓉青醬大蝦意粉 (Lunch set) 大蝦三大隻，口感爽口彈牙。青醬忌廉汁非常creamy，味道濃郁，意粉條條都掛汁，淡淡滿足。
泡菜烤牛肉薄餅（8吋 - Lunch set) 看似一般，但入口先知厲害。餡料（泡菜＋烤牛肉） 甜甜鹹鹹有微微辣，口味豐富。餅底鬆脆，厚度介乎必X客厚批同薄批之間。厲害之處在於入口每啖芝士都拉絲，真係第一次食Pizza 食到咁多芝士。芝士狂迷必點。
炸魷魚圈入口「卡勒」一聲，脆到無敵，脆漿好薄身，火候控制啱啱好，魷魚仲保持到鮮嫰彈牙。
炸迷你八爪魚同魷魚圈個脆漿一樣，一啖咬落去，仲有少少爆汁，本身脆漿夠味，建議唔好醮沙律醬，否則好鹹。😅
Half-Half 雙拼炸雞 - 蜂蜜牛油炸雞拼甜辣炸雞薄脆漿鎖住肉汁，做到真正嘅皮脆肉嫰，係個人暫時嘅No. 1 炸雞。講返味道，蜂蜜牛油味同卡樂X 薯片味道一樣，個人就麻麻地。甜辣炸雞甜辣平衡得好好，屬於微辣（個人），係韓式口味。
蒜香蜜糖炸雞蒜蓉＋蜜糖又香又甜，濃郁得嚟又唔會好膩，係我第二最愛。店內嘅炸雞size 似春雞咁大，所以一個人食一隻都唔怕食唔晒（如果唔叫其他嘢嘅話😅）。
蟹肉海鮮薄餅（13吋）海鮮薄餅味道相對清淡啲，薄底仍舊鬆脆，啖啖芝士拉絲，但就普通咗少少。
食過返尋味，已經約定姊妹下次再嚟。
張貼
