二記飯店 (已結業)

由於工作關係要去西灣河，處理完工作之後喺西灣河地鐵站附近，於是睇下附近有咩好食。去到太安樓附近見到呢間海鮮飯店，於是就入去睇睇睇下有咩好食，經店員介紹後，得悉店內而家做緊多樣特價孖寶套餐，眼見都有八至九款，有啲係兩個餸，有啲係三個餸。於是同朋友就決定是一個兩個餸嘅孖寶，呢個孖寶有1）木桶藥膳豬手,2）上湯波士頓龍蝦，更額外加多個臘味容扒菠菜。好入正題，首先介紹下每一樣菜先啦。1）木桶藥膳豬手，呢一個菜一上碟之後就聞到好香濃嘅藥味，呷一啖嗰湯就覺非常入味，就咁淺嚐都都飲到重當歸，沙參呢d藥材味，此外呢個煲仲有好多紅棗杞子喺入面，非常足料。除咗呢啲藥材嘅餡料足夠外，佢嘅豬手亦都整得好淋，一口咬落去就feel到一啲骨膠原嘅啫喱黐住個口， 非常好味。2）上湯波士頓龍蝦,因為我哋點嘅時候老闆問我哋要唔要配伊面，跟住我心諗有龍蝦加埋伊麵先至好食，所以就叫加伊麵。 放喺個底嘅伊麵，完全吸收曬龍蝦嘅精華，非常好味。龍蝦食落去都係啖啖肉。3）臘味容扒菠菜 呢味菜我都係第一次食，臘味容係將一啲臘味包括臘腸，潤腸同埋臘肉等至細粒，之後放喺菠菜上面，同行的朋友本身唔食臘味，但佢覺得呢個波菜加臘味容好正，幾唔同