九州鯛魚 (已結業)

太安樓又開新食店喇今次係日式餐廳，上星期朋友whatapps我話經過左一間日式餐廳係新開架，行過仲有好香魚湯味飄出黎，我聽完覺得咁堅，即刻上網搵下係食啲咩先。原來餐廳賣點係用鯛魚湯底，睇完勁想食呀！第二日就即興約埋個朋友去試試啦自問一向我咁鍾意飲湯ge人黎講一定會去試下咩料先，同埋我對魚湯都有一定要求架，因為都怕會好腥。入到店裝修都舒服，冷氣充足，環境唔錯。坐低後拿拿聲睇下有乜食，嘩！嘩！嘩！好多野揀呀！最後我就揀左<江戶豚肉鯛魚湯烏冬>,朋友就揀左<鮑魚花膠鯛魚湯烏冬>，野食份量好足夠，湯底唔腥，好濃魚味，好好飲。由於我5:45pm就到左餐廳仲趕得切係叫午餐所以就可以免費有杯餐飲。😂😂午市去到6:00pm。但晚市價錢一樣只係冇左杯野飲姐。總括黎講係好食的，會回頭食呀，好掛住個湯底呀。