鳴人燒臘飯店

營業中

休息中

自從「新好景」同「皇后(廣合)」受到時代嘅洗禮而結業之後，「鳴人」成為西營盤最後一間堂食燒味飯店。鳴人之所以能夠屹立不倒，除了係因為飯店老闆娘定期派發愛心飯盒俾有需要嘅人而深受居民愛戴，當然不少了真材實料嘅明爐燒味。「鳴人」最出名嘅其實係乳豬飯同燒鵝飯，不過今日細佬同我都係嗌番我地最鐘意嘅三拼燒味飯。一坐低首先嚟嘅經典例湯香噴熱辣，非常足料，清鹹野味，十分開胃，湯裡面有嫩排骨、雞腳、甘筍等等。然後嚟嘅就係傳說中嘅三拼燒味飯，我嗌咗叉燒、燒肉、燒鴨飯，而細佬嗌咗切雞、燒肉、燒鴨飯。由上圖可見，份量少癲，蛋白質含量極之盛大，適合各位大食同做gym嘅朋友仔試試。就算走汁之後都完全唔覺得寡，因為肉量真係太多啦。仲要嘅係，除左多肉，叉燒瘦而不柴；燒肉皮脆多肉；燒鴨香滑細嫩；切雞實而不韌。食飽之後食埋嗰兩三條菜芯仔，再飲啖例湯清清個口，係一個非常滿足嘅星期日午餐。