影片
更多
2022-02-06
55 瀏覽
Dry Ager Sashimi🍣 Omakase Sushi👨🏻🍳🥢..晚市堂食遙遙無期。。想食Omakase 都只可以係午市了。疫情關係，今次來個Special Lunch❤️，西環一間專門做熟成鮨🥢 都做緊特別優惠，原價 $2000，而家優惠 $1800 /位。餐廳係今年10月1 開業，名叫「結縁」理念係武師傅唔會係食物上放多餘花巧既野，只專注時間心機去熟成食材，2段熟成💫。將魚料最好既一面呈現俾客人，同真正食得出呢份心意既客人結下緣份❣️。✨長野 糖蕃茄伴西京醋味噌糖度高既水果茄🍅，加上帶酸既醬汁作開胃菜。✨石川 穴子苗時令食材，係穴子即海鰻既魚苗🐟。✨能登半島 赤海參新鮮海參，味道甘甜有嚼口。✨雪国舞茸、北寄貝茶碗蒸燒香新潟舞茸 & 北寄貝裙邊，再加入燒香毛蟹殼🦀 煮成既高湯，混入愛知縣雞蛋🥚 做既茶碗蒸。✨北海道 蝦夷鮑清酒🍶 慢煮鮑魚🐚，入味之餘加上用鮑魚肝做既醬，帶有甘香味又唔會蓋過鮑魚味道。✨自家製漬物以秋田農家傳統做法：用米糠漬宮崎青瓜🥒 & 青森長芋，作為食壽司前清一清味蕾。🍣愛媛 蜜柑鯛 (熟成14日)因其飼料混入愛媛縣名物蜜柑，令魚肉充滿果味，熟成後更會增加陳皮
.
.
晚市堂食遙遙無期。。想食Omakase 都只可以係午市了。疫情關係，今次來個Special Lunch❤️，西環一間專門做熟成鮨🥢 都做緊特別優惠，原價 $2000，而家優惠 $1800 /位。
餐廳係今年10月1 開業，名叫「結縁」理念係武師傅唔會係食物上放多餘花巧既野，只專注時間心機去熟成食材，2段熟成💫。將魚料最好既一面呈現俾客人，同真正食得出呢份心意既客人結下緣份❣️。
✨長野 糖蕃茄伴西京醋味噌
糖度高既水果茄🍅，加上帶酸既醬汁作開胃菜。
✨石川 穴子苗
時令食材，係穴子即海鰻既魚苗🐟。
✨能登半島 赤海參
新鮮海參，味道甘甜有嚼口。
✨雪国舞茸、北寄貝茶碗蒸
燒香新潟舞茸 & 北寄貝裙邊，再加入燒香毛蟹殼🦀 煮成既高湯，混入愛知縣雞蛋🥚 做既茶碗蒸。
✨北海道 蝦夷鮑
清酒🍶 慢煮鮑魚🐚，入味之餘加上用鮑魚肝做既醬，帶有甘香味又唔會蓋過鮑魚味道。
✨自家製漬物
以秋田農家傳統做法：用米糠漬宮崎青瓜🥒 & 青森長芋，作為食壽司前清一清味蕾。
🍣愛媛 蜜柑鯛 (熟成14日)
因其飼料混入愛媛縣名物蜜柑，令魚肉充滿果味，熟成後更會增加陳皮香氣。
🍣愛媛 蜜柑鯛
未經熟成既蜜柑鯛，口感會結實好多而且味道較清。
🍣千葉県富津 針魚 (熟成9日)
針魚纖細既白身魚，有一種獨特既味道，熟成後入口咸鮮，後勁變得鮮甜，口感亦比上一款蜜柑鯛結實。
🍣大分佐賀関 関池魚 (熟成8日）
豊予海峡手釣既關池魚，因該水域水勢險峻，令魚隻活動量特別多，食糧亦特別豐富，所以魚味特別濃，熟成後更滑身 & 清甜。
🍣北海道 沙甸魚 (熟成9日)
光物魚一般好容易接觸到空氣就會變腥，而熟成技術可以阻止變腥之餘，魚會變得更濃味多汁。
🍣青森大間 大吞拿魚腩 (熟成50日)
吞拿魚腩一般多筋難咬，但熟成後筋既纖維都會被分解，而肥膩感亦轉化為油香，提升甜味 & 帶有微微酸度
🍣青森大間 大吞拿魚腩醬油漬 (熟成50日)
味道最有層次，中吞拿魚腩熟成再用醬油淺漬，多一份咸香。慢慢咀嚼後會有煙燻等味道變化
🍣北海道苫小牧 北寄貝
新鮮既活貝類，師傅先拍打令肌肉收縮，食落更爽口，再加上岩鹽提鮮。
🍣北海道 牡丹蝦
綠色既新鮮蝦子，用蝦膏做返醬汁，蝦肉十分厚肉鮮甜爽彈。
🍣北海道 赤海膽・北海道 毛蟹・兵庫 烏魚子・北海道 黄金魚子
蒸熟既活毛蟹肉鮮甜，配上濃甜赤海膽、咸香烏魚子 & 罕有黃金魚子。
🍜特濃魚湯、秋田 稻庭烏冬
用以上既骨熬製6小時而成既濃厚魚湯，骨膠原豐富，配上細滑稻庭烏冬。
🍈熊本 赤肉蜜瓜、🍓福岡 苺
最後以清甜赤肉蜜瓜🍈 & 士多啤梨作結。
.
.
×××[結縁 -YU-EN]×××
©西環香港西營盤西邊街38號明德山地下B舖
.
.
張貼
