Just Eat (已結業)

經開西環，又諗唔到食咩，朋友就介紹我嚟呢間越南菜。Menu都shuen多嘢揀，有二人set dinner，主食，頭盤等等。頭盤有芒果米紙卷，米紙卷包住入面嘅生菜、芒果同配料，非常爽脆，感覺非常清新開胃。主食揀左燒雞撈檬，燒雞香脆，有一條條香茅喺上面。生菜青瓜花生粒配料爽口，特別一提個汁好有心機，比較香甜多蒜蓉，同其他越南餐廳唔同味道。濃味牛湯浸牛丸湯檬，牛濃濃郁，牛丸非常香甜，口味特別，有自家制嘅感覺。野飲叫左越南桔仔甘蔗水，非常清甜開胃，成餐都好fresh，會再幫襯。