Granville Island Hong Kong (已結業)

嘩N年冇嚟過西環，自港島線開通西營盤站之後，交通便利咗好多，好多新派餐廳選擇係呢區開業！今日嚟到西環高街，呢一段100多米嘅路段就有十幾間餐廳係度，真係花多眼亂。最後比呢間餐廳 GRANVILLE ISLAND 嘅正門手工啤酒生啤頭吸引咗，入到嚟先知原來瓶裝手工啤酒仲多，有60幾種選擇。呢次真係睇到都有D醉！同行朋友係加拿大人，即刻大講GRANVILLE ISLAND既來頭，仲話要即刻嚟支GRANVILLE ISLAND出產嘅手工啤酒！Granville Island Lager 5% $68而我就選擇咗紐西蘭嘅 Tuatara APA Pale Ale 5.8%, 味道比較濃郁，適合重口味嘅我！有酒又豈能冇肉呢，特大水牛城火辣雞翼 $68 朋友大談舊時喺加拿大睇HOCKEY可以一個人食幾打BUFFALO WING，呢道嘅侍應即刻同我朋友講叫佢試咗先講啦！一試完朋友大讚個SAUCE好正宗，辣味適中同埋真喺比加拿大嘅大隻好多(好彩冇聽佢講叫兩份)！今次就試住咁多先，朋友已經話下次要約埋班加拿大朋友嚟聚會一吓！