影片
更多
2022-09-02
706 瀏覽
閑逸晚上最鍾意去啲小餐館飲飽食醉，慢慢享受一個豐富嘅dinner，今次就試咗呢間泰國fusion菜,位於西環寧靜嘅一角，頗有隱世嘅味道，見到餐廳裝修幾吸引，價錢又合理，所以就試一試啦，是次係early dinner,一早入去暫時只有自己一枱，就當然係咁影相啦！餐廳嘅裝修融合咗泰國同埋西式裝橫，感覺好舒適仲有背景嘅音樂都好Relaxing，加上店員嘅服務好殷勤，整體感覺不錯！輪到食嘢嘅部份啦，order左兩個set dinner,有前菜，燒物、主菜同甜品前菜：冬陰功牛角包，呢度嘅牛角包會混合湯物，係享慢嘅signature必點食物，所以今次都點咗嚟食，牛角包非常之熱辣辣，一切開啲湯出晒煙，熱辣辣嘅濃湯配上鬆軟牛角包果然冇令人失望分別叫咗燒生蠔同埋燒魷魚，個人比較推介魷魚，燒得火喉啱啱好，仲保留到魷魚應有嘅鮮味同彈牙口感，生蠔就比較細隻，如果大隻啲肥美啲就最好啦😆主菜方面分別叫咗冬蔭龍蝦汁海鮮同埋蟹粉伊面，兩個主菜都好食！龍蝦汁海鮮配有白飯，我就將成碗飯倒落個龍蝦汁度變泡飯，索晒啲湯汁加上好多海鮮（蝦、青口、蜆、帶子等），一啖一幸福另外蟹粉伊麵都係值得推介！蟹粉分量慷慨，而且伊麵嘅質感好啱
輪到食嘢嘅部份啦，order左兩個set dinner,有前菜，燒物、主菜同甜品
前菜：
冬陰功牛角包，呢度嘅牛角包會混合湯物，係享慢嘅signature必點食物，所以今次都點咗嚟食，牛角包非常之熱辣辣，一切開啲湯出晒煙，熱辣辣嘅濃湯配上鬆軟牛角包果然冇令人失望
分別叫咗燒生蠔同埋燒魷魚，個人比較推介魷魚，燒得火喉啱啱好，仲保留到魷魚應有嘅鮮味同彈牙口感，生蠔就比較細隻，如果大隻啲肥美啲就最好啦😆
主菜方面分別叫咗冬蔭龍蝦汁海鮮同埋蟹粉伊面，兩個主菜都好食！龍蝦汁海鮮配有白飯，我就將成碗飯倒落個龍蝦汁度變泡飯，索晒啲湯汁加上好多海鮮（蝦、青口、蜆、帶子等），一啖一幸福
另外蟹粉伊麵都係值得推介！蟹粉分量慷慨，而且伊麵嘅質感好啱我口味，上面仲魚子混合埋一齊食，yummy👏🏻
最後到甜品上場啦！呢度嘅奶凍都好高質，熱情果酸may may, 配creamy 奶凍係Perfect match
整體來講呢度用餐嘅體驗好唔錯，真係好relax，而且食物水準不俗，值得推介
張貼
