Coffee by Zion

營業中

休息中

係正西營盤站對面，地點算方便，成條街遍佈cafe，可謂港島區Cafe街，彌漫著一種慢活氛圍。一入門口見到棵聖誕樹，配上木系裝潢，感覺温馨。🔸抹茶紅豆可頌窩夫 配 抹茶雪糕 $108推薦 材料豐富夠大份! 雪糕Cream感重，抹茶味相對輕盈。Croffle比傳統窩夫重牛油味，外層微酥，入面軟腍。趁熱淋上抹茶醬，配埋練奶紅豆同雪糕，一冷一熱，令人滿足。三色小丸子作為配角，同樣出色，入口軟糯。🔸新鮮雜果燕麥片 配 雜莓沙冰 $90健康輕食之選! 沙冰稠身順滑，冰感唔重，證明落足雜莓，另一邊有粟米片加燕麥片，都幾飽肚。🔸Black and Yellow $50即齋咖加菠蘿汁，Cafe供兩款豆選擇，奶咖通常跟 House Blend豆。而呢杯就跟黎自Ethiopia既單品豆，聞落有陣陣果香，入口微酸，配搭酸甜菠蘿，非常清爽。冇飲開齋咖既都可以試試!🔸Black Sesame Latte $45冇咖啡成分，可簡Oat / Soy milk，個人推薦Oat milk，麥香與芝麻特別夾。咖啡師手藝唔錯，拉左個可愛聖誕老人，亦將芝麻同奶mix得均勻，飲落厚身濃郁。