Tapas Brew (已結業)

又同朋友黎哩邊飲野,哩間唔算嘈,環境都幾舒服,好適合傾計,就簡左佢。我地今次兩個人都飲士多啤梨味啤酒。好香嘅士多啤梨味,唔苦,好岩女仔飲。然後叫左西班牙燴蜆伴檸檬欖油,份量唔多,味道唔錯,個汁嘅檸檬味唔會話好酸,個蜆就好鮮味。之後仲係好想食野,就叫多個特色烤乳豬,係哩到嘅推介黎。哩個烤乳豬個皮好脆,啲肉好嫩,兩樣夾住一齊食,唔係 好咸,好好味。而且啲肉都多,唔會老。一邊食哩個乳豬,一邊飲啤酒真係一種享受!