La Postre (永樂街) (已結業)

之前見到openrice有優惠，大概二百蚊就可以食到兩人份嘅海鮮飯，所以就同朋友book咗枱食。依間餐喺樓上舖，所以搵呢間餐廳都用咗少少時間，去到見到環境都幾靚，望到客人全部都係叫個海鮮飯，咁應該都冇死。同朋友叫咗個海鮮飯同埋兩杯飲品，大概15分鐘就已經上到枱，見到店員好細心畀多咗一啲碗畀我哋去盛載住殼，唔使放啲貝殼喺張枱度咁核突 ，抵讚!海鮮飯有唔同海鮮，有蜆，有青口有蝦，都好豐富。份量都好足夠兩個人去食如果唔算太大食嘅朋友可以嗌一個海鮮飯已經夠曬，而且可以海鮮數量亦都好多，一個人都至少可以食到三至四隻青口，如果飯因為有蕃茄嘅關係所以酸酸地好開胃。美中不足嘅係佢可能落咗少少西班牙嘅辣椒仔，所以有少少辣，如果唔食得辣嘅朋友就可能要小心啲!