Vie Won Won (已結業)

Vie Won Won，中文名「鬼混」，餐廳名字已經好有玩味感，內裡裝修、四周佈置、擺設，以至餐具都充滿特色！餐廳提供室內及室外座位，室外座位可以帶毛孩，更有搖搖椅，前面種有綠色植物，感覺舒服又可以同外面馬路作分隔，提升了私隱度。室內樓高兩層，裝修充滿格調，行上樓梯兩邊都掛滿好多特色畫作，餐廳每個角落以至洗手間都好多打卡位，好似去咗藝術館咁！🤩❇️蟹膏蟹肉燉飯 $198飯的份量雖然唔算好多，但蟹肉同蟹膏都舖咗一半，而且一入口蟹味十分鮮濃，飯粒有少許咬口，每粒飯都掛滿醬汁，而且吸收哂蟹味，好食！😋❇️慢煮西班牙豬肋骨(半份) $268▶️外皮有少少焦脆，入面肉質都幾腍，而且鎖到肉汁，味道甜甜地，即使唔駛點醬食都夠入味。配埋伴碟的沙律菜及牛蒡絲，平衡返油膩感😊❇️迷幻磨菇 $98▶️相信係餐廳的招牌甜品，造型已經十分吸引，上枱時侍應會慢慢打開玻璃罩等入面的「煙霧」釋出，營造迷幻效果。初時以為係cake，但原來上面係紅莓雪糕，下面係荔枝雪糕，酸酸甜甜，無論賣相同味道都有驚喜！👍🏻❇️Candlelight $94 ▶️叫咗杯cocktail ‘Candlelight’🍹 ，蜜桃顏色，用咗芒果汁、石榴汁、檸