影片
更多
2018-05-22
6155 瀏覽
友人向來愛吃自助餐，尤其是以龍蝦及海鮮做主題的 buffet，更是百吃不厭。講真，近年夜晚食自助餐愈來愈貴，每位收費動輒五、六百蚊，確實令人有點卻步。不過最近友人喺港島太平洋酒店內的「中西．環」餐廳，嘗了一頓唔錯嘅自助晚餐，回來後向我極力推介，說場內不但有冰鎮海鮮同多款即切刺身提供，而且更以「泰式風味」為主題，有泰式咖喱炒蟹、魔鬼魚、南瓜海鮮青咖喱意大利飯、榴槤斑蘭西米糕等多款泰菜供應，最重要嘅係價錢唔貴，星期日至四成人 $398，周末、公眾假及前夕成人 $438，而網上預訂更享七折。嘩！咁多野食，而且價錢仲咁吸引，一於趁假期前夕，兩口子去歎番晚。餐廳嘅環境真係唔錯，尤其是窗邊的座位，景觀一流！自助晚餐供應時間，由晚上 6:15pm - 9:30pm，到埗後，立即出去外面吧檯看看。先由我最愛的海鮮區出發，冰鎮海鮮款式勁多，有翡翠螺、鱈場蟹腳、藍青口、波士頓龍蝦、麵包蟹、蜆隻、大蝦等，而且全部都擺放得整齊有序。拿了一大碟埋位，咁多款海鮮之中，個人最欣賞就是龍蝦，膏量極多，食落肉質彈牙鮮甜；而麵包蟹水準亦不俗，蟹肉結實清甜、蟹膏滿載，加上全部海鮮都 refill 得好快，抵讚！冷盤方面，選
不過最近友人喺港島太平洋酒店內的「中西．環」餐廳，嘗了一頓唔錯嘅自助晚餐，回來後向我極力推介，說場內不但有冰鎮海鮮同多款即切刺身提供，而且更以「泰式風味」為主題，有泰式咖喱炒蟹、魔鬼魚、南瓜海鮮青咖喱意大利飯、榴槤斑蘭西米糕等多款泰菜供應，最重要嘅係價錢唔貴，星期日至四成人 $398，周末、公眾假及前夕成人 $438，而網上預訂更享七折。嘩！咁多野食，而且價錢仲咁吸引，一於趁假期前夕，兩口子去歎番晚。
餐廳嘅環境真係唔錯，尤其是窗邊的座位，景觀一流！
自助晚餐供應時間，由晚上 6:15pm - 9:30pm，到埗後，立即出去外面吧檯看看。先由我最愛的海鮮區出發，冰鎮海鮮款式勁多，有翡翠螺、鱈場蟹腳、藍青口、波士頓龍蝦、麵包蟹、蜆隻、大蝦等，而且全部都擺放得整齊有序。拿了一大碟埋位，咁多款海鮮之中，個人最欣賞就是龍蝦，膏量極多，食落肉質彈牙鮮甜；而麵包蟹水準亦不俗，蟹肉結實清甜、蟹膏滿載，加上全部海鮮都 refill 得好快，抵讚！
冷盤方面，選擇不多，但整體味道都算唔錯，煙三文魚幾有水準，油潤大件，少少地，當過下口癮都 okay。海鮮隔離係沙律吧，沙律嘅陣容雖然唔算得話好鼎盛，但可以自由配搭，再加醬汁；呢度除了有爽脆的沙律菜外，仲有紅蘿蔔絲、粟米粒、車厘茄、冷麵、泰式鳳爪等，夾埋一齊食都幾醒胃。
至於刺身同壽司方面，就有三文魚、吞拿魚、希靈魚、八爪魚、油甘魚同兩款卷物，選擇雖然唔算多，但三文魚非常鮮美，肉質細嫩，加上夠厚切，極具口感。不過由於想留肚吃熱盆，所以只淺嘗了一轉。
熱盤方面，由於這晚的主題是「泰式風味」，所以決定先攻泰菜。先吃泰式海南雞飯，雞肉據說用咗香茅、南薑和檸檬葉水等烹調，食落肉質好滑溜，而飯就選用泰國米，飯粒入口煙韌有米香，記得要配埋黑豉油、辣椒醬同薑茸一起吃，更加有風味。
鍾意食蟹的朋友，呢款泰式咖喱炒蟹就絕對唔可以錯過，新鮮肉蟹先以自家製泰式黃咖喱加入洋蔥、辣椒、香茅、芹菜和香蔥爆炒，再加紹興酒提味，最後混入鮮奶及雞蛋快炒。睇下隻蟹鉗極大隻，至於入面的蟹肉，質地細嫩肥美，與濃郁的咖喱醬汁，味道非常匹配，香辣惹味！
呢款係泰式蕉葉燒魔鬼魚，魔鬼魚先塗上參巴辣醬，再用香茅、辣椒等香料以蕉葉包好，慢烤至金黃色，沒想到原來這道魔鬼嘅肉質咁滑溜鮮甜，入口帶微微甜酸，加上蕉葉香和炭香，很有泰國風味。
呢款係明爐生魚，魚肉肉質嫩滑，味道鮮甜，食落完全無魚腥味。
至於其他熱盤就仲有泰式青咖喱雞、燒原隻南瓜海鮮青咖喱意大利飯、紅咖喱鴨、泰式魚餅、泰式炒金邊粉、泰式鹹魚炒芥蘭、燒牛肉等，風味各具特色。咁多款之中，要特別推介當中嘅意大利飯，用料十分上乘，由龍蝦、螃蟹、海蝦、青口、帶子及翡翠螺等多款海鮮材料炮製而成，入口鮮甜味美，值得一試。
如果仲有食力嘅話，建議大家試下泰式紅蝦冬蔭功，紅蝦非常大隻，分量十足，配上以南薑、香茅、紅辣椒、魚露、檸檬葉、青檸及椰糖等熬成的冬蔭功湯頭，味道酸辣醒胃。
又到甜品時間，先讓大家一看陣容，芒果鴛鴦糯米飯分量唔多，小巧的骰，芒果入口甜絲絲，食多幾碟都唔怕滯。另外泰式榴槤斑蘭西米糕亦做得好有水準，榴槤味濃郁甘甜，斑蘭味十分清香，味道夾配。
雞蛋仔係另一個絕對唔可以錯過嘅 Item，即叫即做，熱辣辣，香脆可口，用嚟配雪糕吃，簡直一流，而且仲可以揀原味或士多啤梨味。
另一款一定要推介的甜品就係自製珍多冰，先鋪碎冰，再加入涼粉、三色粉條，芒果肉，筆者饞嘴，連隔離檯用來蘸朱古力噴泉的草莓也一併加進去，色彩繽紛奪目，入口清甜，冰涼透心。 
幾飽都要記得留肚食雪糕，有 Mövenpick 和雀巢。至於水果方面，啲花款多到數都數唔曬，有蓮霧、木瓜、番石榴、大樹菠蘿、橙、桃、沙田柚、香蕉、蘋果、哈密瓜等，真係淨食生果都可以食飽。用 $319 就可以吃到這頓晚市自助餐，真係非常超值。順帶一提，今期的「泰式風味海鮮」主題只供應到 5 月 31 日，想食就要快手，唔知下一期又會用乜嘢做主題呢？好期待啊！
張貼
