大澳冰室小廚

營業中

休息中

今日同朋友同佢家人去咗佢哋屋企附近嘅一間歷史好悠久嘅冰室 大澳冰室小廚 食brunch 朋友叫咗個好有香港特色嘅叉燒意粉，因為佢喺外地返嚟， 好想試下淨係香港先食到嘅呢一個湯意粉，同埋叉燒。而我自己叫咗魚柳早餐，一嚟到上枱個魚柳大到我哋全枱人哇咗一聲，真係好大！係平時出面食魚柳早餐嘅兩三倍！ 絕對冇誇張！後來旁邊有客人見到都問侍應呢個係咩餐哈哈！ 魚柳食落口肉質嫩滑厚實，配埋沙律醬好好味，滑蛋也做得非常嫩滑， 而且仲有健康嘅沙律菜喺旁邊，可以一邊食吉列魚柳一邊解膩。至於朋友嘅媽咪就嗌咗另一個set，有煎雙蛋，餐包，火腿香腸。 而呢度嘅奶茶亦都非常香濃，我自己就點咗杏仁霜。