祥香茶餐廳 (已結業)

呢日，坐叮叮至堅尼地城兜風睇風景。途經老店祥香茶餐廳，就入去嘆個下午茶。要左一杯奶茶、一個牛油菠蘿包和蛋撻，享受復活節最後一日的假期。奶茶入口質感幾滑，不過茶香唔夠香濃，老店作品，未算好飲，有點失望。牛油菠蘿包唔係新鮮出爐，包皮只係微微香脆，包身夠鬆軟。中間夾住的牛油，因為冇左包的熱力，牛油仍完整無缺，未能與包融為一體。蛋撻都放涼左，酥皮具牛油的鹹香，中間蛋漿幼滑，可惜雞香未算突出，吃起來都係普普通通。