影片
更多
2008-08-03
64 瀏覽
7月30日星期三一行4人7:00p.m去到, 去到唔算好多人, 去到有窗口位坐, 後來差唔多坐滿, 都唔覺得迫, 因我個邊都好闊落下, 係拎野食就遠d啫! 其實2 、3年前黎過, 環境比上一次黎覺得好左, 同埋做緊"泰日美食節",依家唔用coupon都有7折, 折實連加一$206/位, 幾抵 一去到waitress就問我地飲d咩, 有紅/白/啤酒、橙汁汽水等,不用加$$, 另外知道佢地除左出面d野食外仲可以order野食, 睇左後原來得共4款,包括:日式: 天婦羅多春魚 & 燒雞翼 ====> 味道幾好, 魚唔厚粉, 雞係鹽燒, 好香口泰式: 沙爹牛串 & 鮮魚肉釀紅毛丹 ====>牛串好味, 毛丹呢個冇食, 但朋友話配搭古怪, 唔好食跟住就出去開餐喇1)沙律bar: 種類唔多都係粟米、番茄、生菜個d, 冇見黃喎, 望落新鮮, 不過第一次食buffet冇食沙律, (因為太多other choice,個肚冇位俾佢)而佢另外一邊有泰式木瓜沙律, 南瓜沙律咁啦,2)海鮮: 有青口、 小龍蝦、 長蟹腳、螺、
其實2 、3年前黎過, 環境比上一次黎覺得好左, 同埋做緊"泰日美食節",依家唔用coupon都有7折, 折實連加一$206/位, 幾抵
一去到waitress就問我地飲d咩, 有紅/白/啤酒、橙汁汽水等,不用加$$, 另外知道佢地除左出面d野食外仲可以order野食, 睇左後原來得共4款,包括:
日式: 天婦羅多春魚 & 燒雞翼 ====> 味道幾好, 魚唔厚粉, 雞係鹽燒, 好香口
泰式: 沙爹牛串 & 鮮魚肉釀紅毛丹 ====>牛串好味, 毛丹呢個冇食, 但朋友話配搭古怪, 唔好食
跟住就出去開餐喇
1)沙律bar: 種類唔多都係粟米、番茄、生菜個d, 冇見黃喎, 望落新鮮, 不過第一次食buffet冇食沙律, (因為太多other choice,個肚冇位俾佢)而佢另外一邊有泰式木瓜沙律, 南瓜沙律咁啦,
2)海鮮: 有青口、 小龍蝦、 長蟹腳、螺、 蝦幾款,唔多choice,蝦大隻, 螺好味, 佢同長腳蟹成日俾人拎晒, 同埋佢每次refill係密但份量唔多, 食唔食到睇你勤唔勤力出去覓食喇
3)壽司區: 魚生5款左右, 都係大路野, 吞拿、三文個d, 冇甜蝦、北寄貝呢d食 食左三文魚,食落新鮮, 不過唔係即切, d魚生擺到亂亂地好似唔係咁好, sushi就冇食, 因為黎到呢度梗係唔食飯啦! 另外附近仲有日本墨魚仔、中華沙律、日式芥末豆腐(唔好試,難食)、冷麵(配埋個sauce好味),跟住隔離仲有我最中意既煙三文魚, 仲有一種燻魚都係生既, 少見d都幾好味
4)熟食又估唔到佢有咁多同會轉款, 比好多地方還多, 由7:00-8:30p.m我地埋單走呢段時間佢都有不停check住d野食夠唔夠, 除refill好快仲有d轉埋款添, 剩係魚同時蔬都出左3-4次,仲唔同款,唔會食唔到,款式大概有:
秋刀魚、蒸斑、吞拿釀番茄、泰式豬頸肉、赤味噌煮鴨胸、炒時蔬、泰式炒米粉、日式燒雞、咖喱炒蟹、鼓汁煮花甲、關東煮等, 花甲好厚肉,第一輪煮得好味d,第2輪唔夠熟同熱, 蟹就咖喱唔夠香, 但大部份都好味道, 冇話有邊款覺得難食, 算唔錯。
5)廚房區:到另一邊近門口埋邊有個廚房仔, 有廚師註場幫d客人整pancake,同埋做小食/特式菜等, 其中有個用蛋殼黎做日式蒸蛋好特別, 又好味,仲有d串燒蔬菜, 茄子、蕃茄、瓜等, 又有班蘭雞, 炸腐皮、pizza (冇試, 見呢度話唔好食)、日式燒餅等等, 因廚房都係呢度, 所以呢度d野食都特別熱辣辣架
6)湯品區: 日式蟹肉翅(幾好味)、忌廉湯(冇試)、皮旦瘦肉粥(好綿)、花生糊(自己磨,係好香,但好粗粒,唔夠糊同甜左d), 仲有一個咖啡機沖不同口味coffee飲添!
7)甜品有7-9款: 蜂蜜豆腐慕士、燒芋蓉釀甜蕃薯卷,仲有各類cheesecake同慕士餅等, 味道ok架,有d口味幾淸新同配搭唔錯,不過d酒柸甜品就唔得, 圖中有奇異果係面個款jelly好鬼誇, 我係咬唔入, 擺落地下踩都唔散! 隔離仲放左幾種麵包, 焗機同 jam & butter講漏左仲有牛奶公司雪條同雪糕柸, 唔駛"畢", 拎完行得, 不過覺得成日食到, so冇食到 !
8)生果: 6/7款, 西瓜最受小朋友歡迎, 好食好甜呀, 不過我諗可能浸左少少糖水, 因食完新鮮菠蘿都唔"鞋"口
呢餐食左好鬼多野, 差d行唔"旭", 而我訂位時提及過朋友生日, 問有冇特別優惠/平d, 佢話冇, 但原來佢預備左個蛋糕俾我地(我冇叫佢整), 我地已經食唔落, 佢叫我地拎走都得, 咁朋友就拎左返屋企留第2日食, 味道試左, 上層3分2係白色, 唔似係忌廉, 幾堅挺, 應該牛奶慕士, 下層3分1就係清蛋糕, 又幾好味,真係多謝晒佢地 雖然佢地唔係食d咩好高級野食, 論種類又唔夠多, 但呢餐服務同環境搭夠, 收碟同添飲都好快, 窗邊位又開揚同唔嘈, 仲之覺得好滿足同愉快啦
張貼
