西香記 (已結業)

今日一田hello kitty開幕第2日，諗住去睇下， 就喺附近搵下有咩好食啦。 呢間嘢就喺一田過條馬路既對面， 見到佢係西安嘢，未試過，好似幾得意喎，就入去試下啦。餐牌上套餐我諗佢午餐同晚餐都係一樣嘅， 其實佢個套餐係可以任配搭嘅，總之你A加B加E，就會減六蚊畀你。咁我就叫咗個A1金牌肉夾饃，加個B3麻醬涼粉。 呢度係好似快餐咁自己去買跟住自己去攞餐嘅，問題係佢得一個姐姐喺度， 落單又係佢，攞餐出嚟又係佢。頭先只係得 5個人，個場面已經好混亂。我覺得佢呢度可以改善一下 ，例如出餐位轉去第二度 ，咁啲客人就可以自己過去攞 ，唔會全部人都喺曬個cashier個位度。 好，到講下啲餸喇，個肉夾饃比我想像中細，係真係好細，應該要食3個先會夠飽。另外個涼粉係用外賣嗰啲膠兜上， 感覺麻麻地。佢個醋汁係分開一包包嘅，我朋友嗰份佢畀少咗個汁， 諗住問佢拎返，個姐姐話: 我冇畀你咩？我應該有畀你架喎~ 最後好唔願意咁畀咗，我覺得佢個服務態度可以改善下囉。總括嚟講，味道一般，份量又細，應該唔會再幫襯。