Super Farm

營業中

休息中

剛才看見tea set不錯，入去試下。已經係第二次去，上次lunch不錯，但今次發現員工全部唔一樣。唔緊要，最緊要有禮貌，櫃檯後的staff還好，慢慢解釋食物和水壺壞了的問題。坐左一陣，趕住接孩子，唔想浪費蛋糕，問下有無外賣盒，嗰位企門口既員工竟然第一句唔係「唔好意思無外賣盒」，係「我地呢度既食物全部唔比打包架窩」。其實我都只係唔想浪費食物，非刻意買黎打包，再者蛋糕唔攞走就會丟掉，好浪費。我攞返去比孩子或老公都好。重點係，嗰位員工重複好多次，話「我地係唔比打包㗎，你唔可以打包，打包係唔得既...」好似我作為一個客人做錯左咁，態度好差。呢位員工係我坐係度食tea既時候，已經不停同隔離檯用半鹹淡廣東話傾偈，明顯隔離檯係佢朋友。掛住chat，從來無幫過櫃檯入面既其他員工。好好地一間cafe，但員工態度如此，好可惜。希望老細見到可以換人，唔係d食物/凍肉品質幾好，客人都唔會返黎。