LIFETASTIC (已結業)

本來想叫套餐，holiday無套餐只有散叫。所以叫咗一個明太子蟹肉意粉。一個菠菜rissoto.叫咗杯雲呢拿焦糖咖啡。叫的時候，侍應都有禮貌地話俾我知會等比較耐的時間，問我地係唔係趕時間。結果真係等左比較耐，可能有20分鐘到。等咗咁耐，終於有得食啦。明太子蟹肉意粉，＄128。其實唔叫平，但係真係好好食。即刻覺得一啲都唔貴。最怕成百蚊個意粉，結果唔好食。俾咗呢個錢，食到好食嘅意粉，就好足夠。仲要呢度係西瓜蛋糕出名，估唔到意粉同鹹點都一樣咁好食。10分驚喜。菠菜意大利粉，好好味道。係較清新，但又唔會冇味。Signature西瓜蛋糕。係一啲好dense嘅蛋糕喺下面，然後有兩層好cream heavy dd既cream 夾住一片厚厚的西瓜。上面有玫瑰花同埋士多啤梨。因為啲cream係比較龍尾啲，西瓜就好清新，所以個配搭好特別，出嚟效果係好好味。而上面嘅玫瑰花味仍然喺度。所以呢個蛋糕真係好特別好值得去試。問你那焦糖咖啡，估唔到比想像中更好飲。因為佢上面加左糖再用槍朝燒左佢變咗好似脆糖面。地方又靚又舒服。下次想係星期一至五黎試佢既套餐。